Zialenski: Ukraina zmahałasia ź niamieckim nacyzmam, a ciapier zmahajecca z ruskim
Prezident Ukrainy Uładzimir Zialenski ŭ dzień pamiaci i pieramohi nad nacyzmam ušanavaŭ pamiać achviar nacysckaj ahresii i padkreśliŭ, što Rasija sprabuje nie tolki pryvatyzavać Ukrainu jak dziaržavu, ale i ŭzurpiravać histaryčnuju pamiać pra Druhuju suśvietnuju vajnu.
Fota: pres-słužba prezidenta Ukrainy
«Sprabujučy prysvoić Ukrainu, Rasija prysvojvaje sabie čužuju pamiać i skažaje historyju.
Tamu nie tolki siońnia, U Dzień pamiaci i pieramohi nad nacyzmam, a zaŭsiody varta pamiatać: ukraincy zrabili svoj vialiki ŭkład u tuju pieramohu. Spynili zło suśvietnaha maštabu ŭłasnaj kryvioju.
Tamu što bolš za 8 miljonaŭ ukraincaŭ zmahalisia z nacyzmam nie tolki ŭ składzie Savieckaj Armii. Dziasiatki tysiač zmahalisia ŭ vojskach sajuźnikaŭ, sotni tysiač — u paŭstanckich atradach i ruchach supracivu.
U toj vajnie ŭ nas nie było tyłu — usia naša ziamla była sucelnym frontam, płacdarmam, adkrytaj ranaj. Paciarpieli kožny horad, vioska, kožny dom i kožnaja siamja.
I my nie addajom hetuju pamiać novamu, ruskamu nacyzmu, hetak ža jak nie addajom jamu svajo ciapierašniaje», — — skazaŭ Zialenski.