Zbornaja Biełarusi vyjšła ŭ paŭfinał čempijanatu śvietu pa plažnym futbole
Siońnia ŭ matčy 1/4 finału biełarusy pieramahli Iran ź likam 4:3.
Fota: Alex Grimm — FIFA/FIFA via Getty Images
Našyja futbalisty spačatku prajhravali 0:1, ale potym dublem vyznačyŭsia Ihar Bryšciel, potym zabili Jahor Hardziecki i Anatol Rabko. Irancy potym dvojčy zabili, ale zraŭniać lik nie zmahli — 4:3.
U paŭfinale 10 maja biełarusy sustrenucca sa zbornaj Sieniehała, jakaja vybiła ŭ svaim čverćfinale Italiju.
Čempijanat śvietu prachodzić na Siejšelskich vyspach.
Na minułym pieršynstvie śvietu biełarusy zaniali 4-je miesca, prajhraŭšy ŭ matčy za bronzu akurat Iranu ź likam 1:6.