Na miažy pamiž Ukrainaj i Biełaruśsiu da 9 maja pastavili prynahodnyja biłbordy FOTAFAKT

Pra ŭstalavanyja biłbordy paviedamiŭ u fejsbuku kiraŭnik dabračynnaha fondu «Vilna Biłoruś» Alaksiej Franckievič. Taksama jon raźmiaściŭ ich vyjavy.

Na biłbordzie — vyjava biełaruskaha ksiandza Vincenta Hadleŭskaha, jaki ŭ kancy 1942 hoda byŭ aryštavany nacystami ŭ Minsku, a paśla źniščany ŭ Traściancy

«Chiba možna ličyć śviatam hadavinu padziei, jakaja pryviała da hibieli — tolki zadumajciesia — kožnaha treciaha žychara Biełarusi!

9 traŭnia dla biełarusaŭ — heta najpierš zhadka pra maštabnuju nacyjanalnuju trahiedyju. Miljony žyćciaŭ, źniščanych u hieta, kancłahierach, pad bambiožkami, u karnych apieracyjach, na frantach i ŭ partyzanskich atradach.

Vajna pakinuła hłybokija rany ŭ kožnaj siamji. Razburanyja harady i vioski, spalenyja žyŭcom sialanie, stračanaje pakaleńnie dziaciej — častka histaryčnaj pamiaci, jakuju nielha ihnaravać.

Pamiatajem nie dziela minułaha, a kab u budučyni u Biełarusi nie paŭtaryŭsia hety žach», — piša Alaksiej Franckievič.

Kamientary da artykuła