«Słavakija i Sierbija pieramohuć!» Vučyč i Fica zapisali videa na fonie Kramla
Prezident Sierbii Alaksandr Vučyč apublikavaŭ u svaim instahram-akaŭncie sumiesnaje z premjer-ministram Słavakii Robiertam Ficam videa na fonie Kramla. Raniej palityki prylacieli ŭ Maskvu na zaprašeńnie prezidenta RF Uładzimira Pucina na śviatkavańnie 80-hodździa pieramohi nad nacysckaj Hiermanijaj.
Robiert Fica i Alaksandr Vučyč. Skrynšot ź videa
«Ja vielmi rady, što mnie daviałosia sustrecca tut z maim siabram i bratam Robiertam Ficam, u nas vydatny vid na Maskvu. Dziakuj jamu za toje, što jon taki mocny i ŭstojlivy, my vytrymajem! A Słavakija i Sierbija pieramohuć!» — pieradała słovy Vučyča sierbskaja hazieta Kurir.
«Braterskaja sustreča z premjer-ministram Słavakii Robiertam Ficam siońnia ŭviečary ŭ Maskvie. Sierby i słavaki — braty naviek!»— padpisaŭ post u instahramie Vučyč.
Robiert Fica pahadziŭsia ź jahonymi słovami i skazaŭ, što rady mahčymaści sustrecca i pahavaryć.
Pres-sakratar prezidenta Rasii Dźmitryj Piaskoŭ nazvaŭ pryjezd Vučyča i Ficy ŭ Maskvu na 9 maja «aktam hieraizmu»:
«Vielmi mnohija pryjechali siudy, niahledziačy na toj cisk, jaki akazvaŭsia. U naš čas, asabliva kali kazać pra Vučyča i pra Ficu, heta prosta akt hieraizmu faktyčna, tamu što nastolki prademanstravać svaju suvierennuju volu addać naležnaje pamiaci Dniu Pieramohi, niahledziačy na nieprychavany, ašaleły cisk, — vartaje samaj vysokaj acenki, — skazaŭ pres-sakratar Pucina.
Čytajcie taksama:
Ułady Litvy i Łatvii zakryli pralot u Maskvu samalota prezidenta Sierbii
Partyja Fica zapeŭnivaje, što toj pajedzie ŭ Maskvu na 9 Maja
Sierb Vučyč i słavak Fica raptoŭna prychvareli. Ich udzieł u paradzie ŭ Maskvie pad pytańniem
Vučyč nie źbirajecca admianiać vizit u Maskvu na 9 maja: Ja skazaŭ Pucinu, što pryjedu
Łukašenka, Pašynian, Fica i Dodzik. Chto jašče pryjedzie na Parad Pieramohi ŭ Maskvu?