Pamior halivudski režysior Džejms Foŭli
Pra śmierć halivudskaha režysiora Džejmsa Foŭli paviedamiła vydańnie The Hollywood Reporter. Jon pamior u 71 hoda paśla doŭhaj baraćby z rakam mozha.
Fota: Axelle/Bauer-Griffin/Getty Images
Foŭli pačaŭ svaju karjeru ŭ 1984 hodzie ź filma «Biasstrašny», ale sapraŭdnuju viadomaść atrymaŭ dziakujučy stužcy «Va ŭpor», dzie źnialisia Šon Pen i Krystafier Uokien. Hety film navat pakazvali na Bierlinskim kinafiestyvali.
Jon šmat supracoŭničaŭ z Madonnaj — pad imiem Piter Pierkier zdymaŭ jaje klipy, a taksama kinakamiedyju «Chto hetaja dziaŭčyna?» u 1987 hodzie, dzie Madonna adyhrała hałoŭnuju rolu.
U 1990-ch Foŭli źniaŭ sieryju sieryjała «Tvin Piks», a taksama filmy «Amierykancy» z Al Pačyna i Alekam Bołduinam, i tryler «Strach» z Markam Uołbierham i Ryz Uizierspun.
U 2013—2015 hadach jon pracavaŭ nad sieryjałam «Kartkavy domik», dzie hałoŭnuju rolu syhraŭ Kievin Śpiejsi. A ŭ 2017 i 2018 hadach režysior źniaŭ dva praciahi filma «Piaćdziasiat adcieńniaŭ šeraha».
Čytajcie taksama:
Pamior aŭtar pieršaha tvora mastactva, raźmieščanaha na Miesiacy
U Brazilii va ŭzroście 116 hadoŭ pamierła najstarejšaja žančyna ŭ śviecie
U Hiermanii zabili aŭtarku biestseleraŭ pra ruskich, kijaŭlanku Alaksandru Frolich