U finale čempijanatu śvietu pa plažnym futbole biełarusy zhulajuć z brazilcami
Siońnia biełaruskija futbalisty-plažniki paśla pieramohi nad zbornaj Sieniehała ŭpieršyniu ŭ historyi vyjšli ŭ finał čempijanatu śvietu. Ciapier ža stali viadomyja i ich supierniki ŭ hałoŭnym matčy spabornictvaŭ, jakija prachodziać na Siejšelskich astravach.
Brazilskija futbalisty. Fota: Alex Grimm — FIFA/FIFA via Getty Images
Zaŭtra biełarusy zhulajuć sa zbornaj Brazilii, dziejnym čempijonam śvietu. Brazilcy siońnia ŭ druhim paŭfinale abyhrali zbornuju Partuhalii ź likam 4:2.
Za bronzu čempijanata śvietu pazmahajucca, adpaviedna, zbornyja Sieniehała i Partuhalii. Biełarusy siońnia abyhrali sieniehalcaŭ ź likam 5:2.
Brazilcy źjaŭlajucca ažno 15-razovymi pieramožcami čempijanataŭ śvietu pa plažnym futbole. Heta absalutny rekord suśvietnaha pieršynstva, jaki dahetul pravodziŭsia ŭsiaho 22 turniry. U toj ža čas najvyšejšaje da sioletniaha čempijanatu miesca biełarusaŭ na ČS — čaćviortaje ŭ 2024 hodzie ŭ Dubai (AAE).
Čytajcie taksama:
Zbornaja Biełarusi vyjšła ŭ finał čempijanatu śvietu pa plažnym futbole
Zbornaja Biełarusi vyjšła ŭ paŭfinał čempijanatu śvietu pa plažnym futbole
Biełaruś razhramiła Hvatemału i vyjšła ŭ płej-of čempijanatu śvietu pa plažnym futbole