«Atmaśfiera śviata»: samy vialiki čyrvona-zialony ściah nieśli pa Minsku ŭ hrabavoj cišyni VIDEA
Spačatku ŭdzielniki šeścia pasprabavali zaśpiavać «Katiušu», ale niešta pajšło nie tak.
Siońnia pa centry Minska pranieśli samy vialiki čyrvona-zialony ściah daŭžynioj 500 mietraŭ. Mierapryjemstva prymierkavali da Dnia dziaržaŭnaj simvoliki, ale padobnym da śviata šeście nie vyhladała.
Na videa, apublikavanym dziaržaŭnymi ŚMI, bačna, što kałona idzie ŭ maŭklivaj, hrabavoj cišyni. Nie čuvać navat aŭtamabilnych sihnałaŭ u znak padtrymki. Spačatku ŭdzielniki sprabavali śpiavać «Katiušu» — pryčym suviaź hetaj pieśni z čyrvona-zialonym ściaham nie zusim zrazumiełaja, — ale chutka ŭsio ścichła.
Sama kanstrukcyja ściaha taksama vyklikaje pytańni: zdajecca, što arnamient raźmiaścili z abodvuch bakoŭ pałatna. Inakš patłumačyć niapravilnaje raźmiaščeńnie pałos składana.