«Biełavija» zapuskaje na samalotach multymiedyjnuju sistemu dla pasažyraŭ
Ciapier pasažyry zmohuć hladzieć filmy, słuchać aŭdyjaknihi i hulać u hulni padčas palotu.
Multymiedyjnaja sistema na samalotach «Biełavija». Skrynšot videa
Pra heta paviedamlaje aficyjny telehram-kanał biełaruskaj avijakampanii.
Bartavaja sistema zabaŭ, jakaja pracuje praz unutranuju Wi-Fi-sietku, budzie dastupnaja tolki na samalotach Boeing 737-800.
Kab joju skarystacca, nie patrebna asobnaja prahrama — dastatkova smartfona abo płanšeta. Paśla ŭźlotu pasažyr zmoža padklučajecca da sietki Belavia, zajści na adras belavia.box i atrymać dostup da biełaruskaj i zamiežnaj videa– i aŭdyjakalekcyi. U sistemu dadali śpiecyjalny raździeł ź filmami, prymierkavanymi da jubileju Pieramohi ŭ Vialikaj Ajčynnaj vajnie.
Vykarystańnie servisu biaspłatnaje, ale spatrebiacca ŭłasnyja navušniki.