Padpisany zakon ab ryełtarskaj dziejnaści

Alaksandr Łukašenka padpisaŭ zakon «Ab ryełtarskaj dziejnaści», paviedamlajuć u pres-słužbie palityka.

Fota ilustracyjnaje

Zakonam stvarajecca novy orhan samakiravańnia — Pałata ryełtaraŭ. U jaje strukturu ŭklučajucca ahulny schod (schod upaŭnavažanych), praŭleńnie, staršynia i revizijnaja kamisija.

Skasoŭvajecca instytut ahientaŭ pa apieracyjach ź nieruchomaściu. Pravam akazańnia ryełtarskich pasłuh buduć vałodać tolki ryełtary, jakija źjaŭlajucca členami Pałaty ryełtaraŭ i jakija majuć paśviedčańnie ab atestacyi.

Źmianiajucca taksama padychody da kvalifikacyjnych patrabavańniaŭ ryełtaraŭ: admianiajecca patrabavańnie ab najaŭnaści profilnaj adukacyi.

Ryełtaram ciapier zmoža stać hramadzianin ź luboj vyšejšaj adukacyjaj, jaki prajšoŭ navučalnyja kursy ŭ śfiery nieruchomaści i zdaŭ atestacyjny ekzamien.

Kamientary da artykuła