Na Kanskim fiestyvali zabaranili «hołyja» sukienki
Abmiežavali i ŭbory z doŭhim šlejfam.
Repier Kańje Uest i jaho žonka Bjanka Cenzory na «Hremi» ŭ 2025 hodzie. Fota: Matt Winkelmeyer/Getty Images for The Recording Academy
Na 78-m Kanskim fiestyvali, jaki adkryŭsia 13 maja, arhanizatary ŭviali strohi dres-kod. Ciapier aficyjna zabaroniena źjaŭlacca va ŭbory, jaki ahalaje cieła, — jak na čyrvonaj darožcy, tak i ŭ inšych zonach. Pra heta havorycca na aficyjnym sajcie fiestyvalu.
Pad zabaronaj nie tolki «hołyja» sukienki. Abmiežavali taksama zališnie hruvastkija ŭbory, asabliva z doŭhimi šlejfami, pakolki jany pieraškadžajuć pieramiaščeńniu haściej pa placoŭcy i ŭskładniajuć rassadku ŭ zale.
Dla viačernich pakazaŭ, jakija prachodziać z 19:00 da 22:00, strohi dres-kod: smokinhi, ciomnyja kaściumy z halštukami, doŭhija sukienki ci kaktejlnyja ŭbory.
Sielebrycis nie raz źjaŭlalisia ŭ «hołych» sukienkach na publicy. Svaimi aholenymi sukienkami ździŭlali madel Iryna Šejk i Beła Chadyd, aktrysa Fłorens Pju. Asabliva šakujučyja ŭbory — u žonki Kańje Uesta Bjanki Cenzory.
Čytajcie taksama:
Kanski kinafiestyval raspačniecca z troch filmaŭ pra vajnu va Ukrainie