U Naroŭli chłopiec stralaŭ pa voknach kaledža, kab pakrasavacca pierad siabroŭkaj
Małady čałaviek nie tolki straciŭ dziaŭčynu, ale i kryminalnuju spravu atrymaŭ.
Žycharu Naroŭli dziaŭčyna padaryła na dzień naradžeńnia pnieŭmatyčny pistalet. 18-hadovamu chłopcu padarunak vielmi spadabaŭsia. Jon usiudy nasiŭ pistalet z saboj i achvotna chvaliŭsia pierad siabrami.
Adnojčy viečaram chłopiec pajšoŭ na špacyr z druhoj siabroŭkaj. Naturalna, pačaŭ pakazvać pistalet i joj. Dziaŭčyna paprasiła pakazać, jak pnieŭmatyka pracuje. Chłopiec pahadziŭsia i adkryŭ ahoń pa voknach kaledža.
Chutka maładoha čałavieka zatrymali, jak paviedamlajuć siłaviki, na jaho zaviali kryminalnuju spravu. Nie acaniła takija zabaŭki i jaho dziaŭčyna, tak što dziaŭčyny ŭ chłopca bolš niama.