U Hiermanii zatrymali hrupu ŭkraincaŭ u spravie ab pasyłkach z vybuchoŭkaj. Miarkujecca, što jany pracavali na Rasiju
U Hiermanii zatrymali hrupu ŭkraincaŭ u spravie ab pasyłkach z vybuchoŭkaj. Miarkujecca, što jany pracavali na Rasiju, piša UNIAN.
Ilustracyjnaje fota: Michael Probst / AP
U pryvatnaści, niamieckija ŭłady padazrajuć ukraincaŭ u dziejnaści, źviazanaj z adpraŭkaj pasyłak z vybuchovymi pryładami.
Miarkujecca, što padazravanyja byli ahientami zamiežnaj dziaržavy i kantaktavali z asobami, jakija pracujuć u rasijskich dziaržaŭnych ustanovach, havorycca ŭ zajavie fiederalnych prakuroraŭ. Inšyja padrabiaznaści aryštu pakul nieviadomyja.
Paviedamlajecca tolki, što dvoje mužčyn, identyfikavanych niamieckimi pravaachoŭnymi orhanami jak Uładzisłaŭ T. i Daniił B., byli aryštavanyja na vychodnych u Niamieččynie. Jašče adzin, identyfikavany jak Jaŭhien B., byŭ aryštavany ŭ aŭtorak u Šviejcaryi.