Rasijanin na «Dodžy» razahnaŭsia da 200 km/h na trasie M1. Ale ad DAI nie ŭciok
Hość z Rasii papiarednie schavaŭ numary, kab jaho składaniej było znajści.
Skrynšot videa UUS Minskaha abłvykankama
Mužčyna na «Dodžy» zładziŭ honki pa «alimpijcy» na 9 maja. Na ŭčastku ŭ Barysaŭskim rajonie jon trapiŭ na vočy supracoŭnikam DAI. Mašyna pralacieła mima daišnikaŭ na vialikaj chutkaści.
Siłaviki adpravilisia ŭ pahoniu i padali «Dodžu» sihnał spynicca. Ale toj paskoryŭsia da 198 km/h.
Honka praciahvałasia 17 kiłamietraŭ, pakul kiroŭca «Dodža» nie zdaŭsia i nie spyniŭsia. Pravierka pakazała, što za rulom byŭ 38-hadovy hramadzianin Rasii. Rehistracyjnyja znaki na mašynie jon schavaŭ.
U vyniku rasijanina pazbavili paśviedčańnia kiroŭcy na 6 miesiacaŭ, aštrafavali na 1512 rubloŭ i adpravili na piać sutak u IČU.