Sikorski: Polšča nie płanuje raźmiaščać svaich vajskoŭcaŭ va Ukrainie
Ministr zamiežnych spraŭ Polščy Radasłaŭ Sikorski na fonie zajavy śpiecyjalnaha pasłańnika Donalda Trampa zajaviŭ, što niama nijakich płanaŭ adpraŭlać polskich sałdat va Ukrainu, piša «Jeŭrapiejskaja praŭda».
Radasłaŭ Sikorski. Fota: Omar Havana/Getty Images
U aŭtorak, 13 maja, śpiecpasłańnik prezidenta ZŠA Kit Kiełah zajaviŭ, što ŭ miežach patencyjnaha ŭrehulavańnia paśla zaviaršeńnia haračaj fazy vajny RF suprać Ukrainy abmiarkoŭvajecca raźmiaščeńnie zamiežnych sił na zachad ad Dniapra, siarod jakich mohuć być i polskija vajskoŭcy.
Na jaho dumku, Kiełah «zališnie interpretavaŭ», što Polšča moža być častkaj hetaj apieracyi, kali jana adbudziecca.
«Ale, jak užo šmat razoŭ zajaŭlali ministr abarony, kiraŭnik urada i ja, naš udzieł u apieracyi nie budzie ŭklučać prysutnaść polskich sałdat na ŭkrainskaj ziamli», — padkreśliŭ Sikorski.