«My nie hublajem nadziei, choć my i nie naiŭnyja». Radasłaŭ Sikorski pra pierśpiektyvy svabodnaj Biełarusi
Ministr zamiežnych spraŭ Polščy Radasłaŭ Sikorski ŭ svajoj prahramnaj pramovie ŭ Siejmie prakamientavaŭ biahučuju situacyju ŭ Biełarusi. Jon padkreśliŭ, što Polšča pa-raniejšamu vieryć u mahčymaść demakratyčnych źmienaŭ u Biełarusi, ale pry hetym zastajecca realistam u acency ciapierašnich uładaŭ, piša Biełaruskaja słužba Polskaha radyjo.
«My nie hublajem nadziei, kali havorka idzie pra los Biełarusi, choć, viadoma, my nie naiŭnyja. My realistyčna aceńvajem praŭleńnie Alaksandra Łukašenki, jaki pastaviŭ svaju krainu ŭ zaležnaść ad Kramla», — skazaŭ ministr.
Sikorski nahadaŭ, što biełaruskaje hramadstva, u tym liku tysiačy ludziej polskaha pachodžańnia, zasłuhoŭvajuć svabody i budučyni, zasnavanaj na demakratyčnych kaštoŭnaściach.
«My patrabujem vyzvaleńnia palitviaźniaŭ, u tym liku Andžeja Pačobuta», — padkreśliŭ jon.
Kiraŭnik polskaha MZS padkreśliŭ, što Polšča imkniecca da taho, kab «pytańni padtrymki biełaruskaj hramadzianskaj supolnaści zajmali važnaje miesca ŭ paradku dnia Jeŭrasajuza».
«Miesca biełarusaŭ — u abjadnanaj Jeŭropie», — zajaviŭ Sikorski.
Ministr taksama raskazaŭ pra rolu polskich zamiežnych ŚMI ŭ zabieśpiačeńni rehijona dakładnaj infarmacyjaj:
«Zamiežny miedyjacentr dla zamiežža, jaki abjadnoŭvaje redakcyi telekanałaŭ «Biełsat», «Vot tak», Slawa i TVP World padaje polski punkt hledžańnia i zamianiaje rasijskuju prapahandu abjektyŭnaj infarmacyjaj».
Pavodle Sikorskaha, miljony hledačoŭ, jakija hladziać hetyja kanały ŭ krainach byłoha SSSR, śviedčać pra realny popyt na nadziejnyja naviny. Polšča choča zaachvocić partnioraŭ ź Jeŭrasajuza pavialičyć padtrymku hetych ŚMI.
«My starajemsia zacikavić našych partnioraŭ ź Jeŭrasajuza mahčymaściami hetych stancyj, kab pavialičyć ich finansavańnie i pašyryć śfieru dziejnaści», — adznačyŭ jon.
Naprykancy ministr paviedamiŭ pra chod dypłamatyčnaj dziejnaści i raskazaŭ, što zaviaršajecca budaŭnictva novaj ambasady ŭ Minsku.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary