U Tadžykistanie admianili kryminalnuju adkaznaść za łajki ŭ sacyjalnych sietkach
Prezident Tadžykistana Emamali Rachmon padpisaŭ zakon, jaki admianiaje pakarańnie za toje, što karystalniki adznačajuć upadabanyja im publikacyi, navat kali jany ŭtrymlivajuć zakliki da teraryzmu ci inšych ciažkich złačynstvaŭ. Zakon ustupić u siłu paśla aficyjnaha apublikavańnia, piša radyjo «Ozodi».
Kałaž: freepik.com
Takoje pakarańnie dziejničała z 2018 hoda — za łajki pad pastami, jakija rasceńvalisia jak apraŭdańnie teraryzmu, u Tadžykistanie možna było trapić u turmu na termin da 15 hadoŭ. Pavodle aficyjnaj infarmacyi, pa hetaj normie byli asudžanyja bolš za 1500 čałaviek.
Ułady ličać «ekstremisckimi» pasty i videa, jakija raspaŭsiudžvajuć apazicyjnyja dziejačy i zabaronienyja arhanizacyi. U paviedamleńni pres-słužby prezidenta nie ŭdakładniajecca, što budzie z tymi, chto ŭžo adbyvaje pakarańnie.
U apošni čas u Tadžykistanie, jaki miažuje z Afhanistanam, Uźbiekistanam, Kyrhyzstanam i Kitajem, adbyłosia niekalki napadaŭ bajevikoŭ, niekatoryja ź jakich zajaŭlali pra svaju suviaź ź Isłamskaj dziaržavaj.
Čytajcie taksama:
U Tadžykistanie zatrymali varažbitku, jakaja prymušała klijentaŭ zajmacca ź joj seksam