Siejm Litvy robić bolš strohaj adkaznaść za parušeńnie mižnarodnych sankcyj
Siejm Litvy pašyryŭ kryminalnuju i administracyjnuju adkaznaść za lubyja parušeńni abo abychod mižnarodnych sankcyj. 15 maja parłamient 87 hałasami ŭchvaliŭ papraŭki da zakona ab mižnarodnych sankcyjach, zhodna ź jakimi supraćpraŭnymi pavodzinami budzie pryznavacca i parušeńnie, ździejśnienaje pa nieaściarožnaści.
Fota ilustracyjnaje
Papraŭki taksama ŭdakładniajuć, jakija dziejańni niedapuščalnyja ŭ vypadku zamarožvańnia ekanamičnych resursaŭ, i tłumačać paniaćcie «zamarožvańnie srodkaŭ».
Parušeńniem mižnarodnych sankcyj buduć ličycca niezakonnyja pavodziny, jakija parušajuć dziejnyja ŭ Litvie mižnarodnyja sankcyi. Da takich parušeńniaŭ adnosiacca, naprykład, nadańnie dostupu da srodkaŭ abo ekanamičnych resursaŭ asobam, jakija znachodziacca pad sankcyjami, niezamarožanaja majomaść, akazańnie pasłuh i inšaje.
Za rasparadžeńnie abmiežavanymi aktyvami i akazańnie zabaronienych pasłuh budzie pahražać da piaci hadoŭ pazbaŭleńnia voli.
Akramia taho, unosiacca pałažeńni ab śpiecyjalnaj abaronie dla infarmataraŭ, jakija paviedamlajuć pra parušeńni mižnarodnych sankcyj.
Čytajcie taksama:
U Litvie jurydyčna aceniać vykazvańni Eduardasa Vajtkusa ŭ Minsku
Litoŭski prarasijski palityk naviedaŭ Minsk i zajaviŭ, što ŭ Litvie «niama lehitymnaha prezidenta»
Litoŭskaja kampanija SBA całkam pakinuła Biełaruś. Heta było niaprosta