Niaviestka Ananič paśla zvalnieńnia z SB znajšła pracu nie bi lažačaha

U «SB. Biełaruś siehodnia» Śviatłana Isajonak kalekcyjanavała listy ŭładaŭ z padziakami za svaju prapahandysckuju pracu. Byŭ navat list ad Łukašenki «za aktyŭny ŭdzieł u vybarčaj kampanii». Ale ž ciapier znajšła bolš ciopłaje miesca.

Śviatłana Isajonak. Tut i dalej fota ź jaje sacsietak

Niaviestka byłoj ministarki infarmacyi, a paśla deputatki Lilii Ananič zvolniłasia z pasady namieśnicy redaktara adździeła palityčnaj infarmacyi ŭ «SB. Biełaruś siehodnia». A na nastupny dzień Śviatłana Isajonak pachvaliłasia ŭ sacyjalnych sietkach fotazdymkami z novaha miesca pracy.

«Pieršy pracoŭny dzień na novym miescy! Pryvitańnie, dziaržsłužba», — padpisała Śviatłana zdymak, na jakim trymaje paśviedčańnie supracoŭnicy sakrataryjata Pałaty pradstaŭnikoŭ.

Ciapier prapahandystka budzie zabiaśpiečvać pracu pryznačanych deputataŭ parłamienta.

Adnačasova Isajonak pachvaliłasia tym, što čyrvona-zialonamu ściažku, jaki možna pabačyć na jaje stale, užo kala 10 hadoŭ.

Prapahandystka maje dźvie vyšejšyja adukacyi. Jana skončyła fakultet žurnalistyki BDU, a taksama vučyłasia ŭ Akademii kiravańnia na ideołaha.

Śviatłana Isajonak i Andrej Ananič u Dubai

Kamientary da artykuła