Umieraŭ i Miadzinski vystupili z karotkimi zajavami pa vynikach pieramoŭ. Zialenski i lidary ES razam sazvanilisia z Trampam

Rasijski bok zajaviŭ, što «zadavoleny» vynikam pieršaha dnia pieramoŭ.

Uładzimir Zialenski i jeŭrapiejskija lidary na samicie ŭ Ałbanii

Krynicy, blizkija da ŭkrainskich pieramoŭnikaŭ, kažuć, što Rasija stavić umovaj spynieńnia ahniu zdaču Ukrainaj Chiersonskaj, Zaparožskaj i Danieckaj abłaściej.

Pieramoŭniki paviedamili taksama pra padrychtoŭku vialikaha abmienu pałonnymi.

Kiraŭnik rasijskaj delehacyi Uładzimir Miadzinski zajaviŭ, što Rasija pryniała da viedama zapyt ukrainskaj delehacyi na sustreču prezidentaŭ dźviuch krain. Pavodle jaho słoŭ, abodva baki pavinny padrychtavać svajo bačańnie spynieńnia ahniu, paśla čaho možna budzie abmierkavać hetyja prapanovy.

Uładzimir Zialenski, Emanuel Makron, Kir Starmier, Frydrych Mierc i Donald Tusk, jakija znachodziacca na samicie ŭ Ałbanii, skarystalisia z zaviaršeńnia pieramoŭ, kab pahavaryć z prezidentam ZŠA.

«Ukraina hatovaja da maksimalna chutkich krokaŭ dziela realnaha mir, i važna, kab śviet trymaŭsia mocnych pazicyj. Naša pazicyja: kali rasijanie admaŭlajucca ad poŭnaha i biezumoŭnaha spynieńnia ahniu i zabojstvaŭ, pavinny być mocnyja sankcyi. Cisk na Rasiju pavinien zachoŭvacca, pakul Rasija nie budzie hatovaja zaviaršać vajnu. Dziakuj usim u śviecie, chto dapamahaje», — zajaviŭ z hetaj nahody prezident Ukrainy Uładzimir Zialenski.

Kamientary da artykuła