Pieramovy ŭ Stambule zaviaršylisia. Maskva patrabuje zdačy Ukrainaj čatyroch abłaściej
Pieramovy pamiž rasijskimi i ŭkrainskimi pieramoŭščykami ŭ Stambule ŭ piatnicu zaviaršylisia prykładna praź dźvie hadziny, paviedamlaje Reuters sa spasyłkaj na krynicu ŭ MZS Turcyi.
Ukrainskaja krynica paviedamiła ahienctvu, što patrabavańni Rasii na pieramovach byli adarvanyja ad realnaści i značna vychodzili za ramki ŭsiaho, što abmiarkoŭvałasia raniej:
«Jany ŭklučajuć ultymatumy dla Ukrainy ab vyvadzie vojskaŭ ź jaje terytoryi dziela spynieńnia ahniu, a taksama inšyja niemahčymyja dla vykanańnia i niekanstruktyŭnyja ŭmovy».
Takaja ž infarmacyja ŭ deputata Viarchoŭnaj Rady Ukrainy Alaksieja Hančarenki.
«Rasijanie zapatrabavali, kab Ukraina całkam vyjšła z 4 svaich abłaściej. Na što atrymali admovu ad ukrainskaj delehacyi. U adkaz na jak — rasijanie ŭstali i skazali, što «nastupny raz abłaściej budzie ŭžo 5», — raskazaŭ deputat.
Pa jahonych słovach, Rasija nibyta pahražała zachapić Sumskuju vobłaść dla stvareńnia bufiernaj zony biaśpieki.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary