Navat u kramie bujnoha saŭhasa, jaki hanarycca svaim uradžajem harodniny, niama bulby, morkvy, cybuli

Zatoje pakupnikoŭ papiaredžvajuć pra adkaznaść za abrazy — abviestka pra heta visić jakraz pobač z abviestkaj pra pustyja palicy z harodninaj. 

Saŭhas Brylova nie zmoh zabiaśpiečyć charčovuju biaśpieku hamialčan — u kramach haspadarki źnikli bulba, kapusta, buraki, morkva i cybula, zaŭvažyŭ «Fłahštok».

Zamiest harodniny pakupnikam firmovaj kramy na vuł. Fadziejeva ŭ Homieli prapanujuć vyvučyć adkaznaść za abrazy.

@vadbraga1 roskošnyj ovoŝnoj mahazin brilovskij v Homiele#homiel #brilevo ♬ orihinalnyj zvuk - vadbraga1

Brylova — bujnaja ahrahaspadarka, raźmieščanaja na miažy Homiela.

Pradpryjemstva, siarod inšaha, śpiecyjalizujecca na vytvorčaści sadaviny i harodniny. 

«Vykarystoŭvajučy sučasnyja dasiahnieńni navuki i techniki, technałohij vytvorčaści KSUP «Brylova» z hodu ŭ hod dasiahaje vysokich vytvorčych pakazčykaŭ. Mnohija hady pradpryjemstva znachodzicca ŭ liku lidaraŭ pa ŭradžajnaści aharodniny», — havorycca na sajcie pradpryjemstva.

U hetym hodzie ŭ kramach krainy — deficyt harodniny. Spačatku ŭźnikli prablemy z bulbaj: jaje nie było, a kali jana źjaviłasia, to da suadnosin «cana — jakaść» było šmat pytańniaŭ. Ciapier ža ŭ prodažy amal niemahčyma znajści zvyčajnuju repčatuju cybulu.

Prapahanda zaklikaje biełarusaŭ być mužnymi i paciarpieć. 

Kamientary da artykuła