Rasavijacyja zajaviła ab hatoŭnaści mnohich krain adnavić avijasuviaź z Rasijaj
Mnohija z krain, jakija prypynili paloty ŭ Rasiju ad pačatku vajny z Ukrainaj, hatovy adnavić avijaznosiny, paviedamiŭ kiraŭnik Rasavijacyi Dźmitryj Jadraŭ.
Fota: vecteezy.com
«My znachodzimsia ŭ dyjałohu z avijacyjnymi ŭładami mnostva krain. Mnohija krainy, jakija prypynili paloty, hatovy ich adnaŭlać», — cytuje jaho TASS.
Pry hetym kankretnyja dziaržavy jon nie nazvaŭ.
Paśla pačatku vajny va Ukrainie ZŠA i krainy Jeŭrasajuza zakryli svaju pavietranuju prastoru dla rasijskich samalotaŭ. Rasija adkazała lustrana ŭ adnosinach da 36 krain, zabaraniŭšy paloty bieź śpiecyjalnaha dazvołu Rasavijacyi abo MZS.
Usiaho na siońniašni dzień z Rasii bieź pierasadak možna palacieć u 38 krain.
U Biełarusi prablemy z avijaznosinami ź inšymi krainami pačalisia jašče da vajny. Šerah krain zakryŭ svaju pavietranuju prastoru dla «Biełavija» paśla prymusovaj pasadki samalota Ryanair z Ramanam Pratasievičam u Minsku ŭ 2021 hodzie.