Piatkievič pryjechała ŭ Smalavičy ź luksavym remieniem Hermes FOTAFAKT
Namieśnica kiraŭnika łukašenkaŭskaj Administracyi Natalla Piatkievič zrabiła rabočuju pajezdku ŭ horad-spadarožnik Smalavičy. Piatkievič začaravała miascovych žycharoŭ svaim niazmušanym stylem i luboŭju da brendaŭ, jakuju raniej publična asudziŭ Łukašenka.
Natalla Piatkievič, jakaja pryjšła na inaŭhuracyju Łukašenki ŭ žakiecie ad Gucci, ciapier pakazała ŭsim svoj luksavy ramień Hermes. Jaho košt možna składać ad 800 da 1100 dalaraŭ (zhodna z cenami na aficyjnym sajcie).
Ceny na aficyjnym sajcie Hermes
Hermes — viadomy francuzski dom mody — simvał dastatku i raskošy, mara mnohich u śviecie.
Miž tym, Alaksandr Łukašenka niadaŭna publična aburaŭsia, što biełarusy «rvucca pa Gucci, Versace i inšuju hadaść».
«A treba nasić svajo. I pryvučać dziaciej da hetaha», — padkreśliŭ Alaksandr Łukašenka, kažučy ab jakaści i naturalnaści biełaruskich vyrabaŭ.
Sam Łukašenka taksama niadaŭna zajaviŭsia ŭ Kreml u luksavym ramiani Hermes.
Łukašenka paśla vychadu z mašyny. Fota: Dźmitryj Azaraŭ / «Kommiersant»