Ułady patłumačyli, čamu tavary ŭ kramach stali rezka daražeć
Ministerstva ekanomiki paviedamiła, što inflacyja paskoryłasia i ŭ krasaviku skłała 6,5%. Heta źviazana z pavyšeńniem rehulavanych dziaržavaj cen, a taksama z rostam cen na niekatoryja, u asnoŭnym impartnyja tavary.
Fota ilustracyjnaje
Pavodle danych Jeŭrazijskaha banka raźvićcia, najbolš padaraželi charčovyja tavary — na 8,3% u paraŭnańni ź minułym hodam. Ceny na pasłuhi vyraśli na 7%, a na niecharčovyja tavary — na 3,6%.
U toj ža čas u Minekanomiki adznačyli, što ekanomika krainy raście. Asnoŭnymi śfierami, što padtrymlivajuć rost VUP, stali budaŭnictva, pramysłovaść, suviaź i handal. Roźničny tavaraabarot vyras na 10%, što źviazana z pavieličeńniem realnych dachodaŭ nasielnictva.
Taksama paviedamlajecca pra rost inviestycyj u asnoŭny kapitał na 15%. Zarobki zastajucca adnosna vysokimi — u siarednim zvyš 2480 rubloŭ, a siaredniaja piensija pierasiahnuła 900 rubloŭ.