U Smarhoni i Minsku ŭ ahni paciarpieli dzieci: adzin hatavaŭ ježu, druhi hulaŭ z zapałkami
U Smarhoni i Minsku adbylisia niaščasnyja vypadki, u jakich paciarpieli dzieci. Chłopčyki atrymali apioki i byli špitalizavany, piša MNS.
Pieršy vypadak adbyŭsia 19 traŭnia ŭ 13:25 u Smarhoni Hrodzienskaj vobłaści pa vulicy Jubilejnaj. Padčas pryhatavańnia ježy na hazavaj plicie ŭ kvatery zaharełasia adzieńnie na vaśmihadovym chłopčyku. Dzicia było špitalizavana. Jak piša MNS, pryčyna zdareńnia — parušeńnie pravił ekspłuatacyi hazavych pryboraŭ. Inšych padrabiaznaściaŭ nie pryvodzicca.
Druhi vypadak adbyŭsia ŭ toj ža dzień u Minsku pa vulicy Aŭezava. Chłopčyk 2012 hoda naradžeńnia atrymaŭ apioki, kali hulaŭ z zapałkami na bałkonie kvatery na druhim paviersie. Jaho špitalizavali z apiokami.
Pra stan ich infarmacyi niama.