Ukraina dabivajecca źmianšeńnia cenavaj stoli na rasijskuju naftu ŭdvaja
Ukraina zaklikaje krainy «Vialikaj siamiorki» (G7) u dva razy źnizić maksimalnuju canu na rasijskuju naftu — z 60 da 30 dalaraŭ za barel. Pra heta zajaviŭ ministr zamiežnych spraŭ Ukrainy Andrej Sibiha. Pavodle jaho słoŭ, takaja miera dapamoža istotna abmiežavać finansavańnie Rasijaj vajny.
Fota ilustracyjnaje
Vialikabrytanija i Jeŭrasajuz užo vykazali hatoŭnaść pracavać nad dalejšym źnižeńniem cenavaha paroha. Raniej jeŭrakamisar Vałdzis Dombroŭskis paviedamiŭ, što Jeŭrakamisija ŭžo na hetym tydni prapanuje G7 pierahledzieć uzrovień cenavaha abmiežavańnia.
Pa infarmacyi ahienctva Reuters, havorka moža iści pra źnižeńnie da 50 dołaraŭ, choć Ukraina nastojvaje na 30.
Kiraŭnik Ofisa prezidenta Ukrainy Andrej Jarmak raniej taksama padkreślivaŭ, što ŭstanaŭleńnie limitu ŭ 30 dalaraŭ surjozna ŭdaryć pa mahčymaściach Rasii vieści vajnu.
Čytajcie taksama:
Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ