Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ
20 maja Jeŭrapiejski sajuz pryniaŭ novy pakiet sankcyj suprać Rasii za jaje ahresiju suprać Ukrainy. Hety pakiet užo 17-y, i ŭ śpis padsankcyjnych ustanoŭ hetym razam trapiŭ i Minski zavod kołavych ciahačoŭ (MZKC).
Jak adznačana ŭ aficyjnym dakumiencie ES, Minski zavod kołavych ciahačoŭ raspracoŭvaje vajskovuju techniku dla rasijskaj armii i aktyŭna supracoŭničaje z rasijskim abaronnym siektaram. U 2024 hodzie MZKC ekspartavaŭ u Rasiju 306 vahonaŭ z vajskovaj technikaj, i pastaŭki praciahvalisia ŭ 2025 hodzie. Takim čynam, zavod akazvaje materyjalnuju padtrymku rasijskamu ŭradu i jaho vajskova-pramysłovamu kompleksu.
U pradstaŭnictvie ES paviedamili, što novy pakiet sankcyj skiravany na abmiežavańnie dostupu Rasii da klučavych vajskovych technałohij i źnižeńnie dachodaŭ ad prodažu enierharesursaŭ, jakija finansujuć vajnu.
Akramia hetaha, Jeŭrasajuz uvioŭ miery suprać tak zvanaha «cieniavoha fłotu» Rasii — sudnaŭ, što pieravoziać naftu ŭ abychod sankcyj. U sankcyjny śpis dadali 189 novych sudnaŭ, ahulnaja kolkaść ciapier składaje 342. Taksama sankcyi zakranuli sudnachodnyja kampanii i strachavalnikaŭ z AAE, Turcyi i Hankonha.
Dadatkova pad sankcyi trapili bujnyja rasijskija enierhietyčnyja kampanii, jak «Surhutnaftahaz», a taksama bolš za 45 inšych kampanij i asob, što padtrymlivajuć rasijski VPK. ES abmiežavaŭ ekspart technałohij i detalaŭ padvojnaha pryznačeńnia, jakija vykarystoŭvalisia dla abychodu sankcyj — u tym liku dronaŭ i stankoŭ, navat praz kampanii z Kitaja, Izraila, Sierbii i inšych krain.
Novyja miery taksama zakranajuć niezakonnaje vykarystańnie kulturnych i sielskahaspadarčych resursaŭ Ukrainy na akupavanych terytoryjach. U ahulnym liku pad sankcyi trapili 75 novych subjektaŭ, i ciapier ich kolkaść pieravyšaje 2400.
Jeŭrapiejskija lidary byli ahałomšanyja vynikami razmovy Pucina i Trampa — Axios
Brusel płanuje skaracić dyppiersanał u Biełarusi
U Minsku piaty hod žyvie finski biznesoviec sa śpisu samych šukanych Eŭrapołam złačyncaŭ
Polšča zatrymała 5 ton sankcyjnych šyn dla samalotaŭ Boeing, jakija vieźli praź Biełaruś i Rasiju
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary
Tiepieŕ, Rośsija frachtujet suda biełyje, na tom žie Zapadie, i strachujet po-biełomu u Zapadnych, strachovych kompanii, niet smysła po-čiornomu, t.k. ciena niefti nižie potołka i tak.