U Biełarusi skłali «mabilny» rejtynh słavutaściaŭ. Samaja papularnaja trochi niečakanaja

Apieratar mabilnaj suviazi MTS padzialiŭsia statystykaj minułych majskich śviataŭ i vyśvietliŭ, jakija architekturnyja pomniki karystajucca najbolšaj papularnaściu ŭ žycharoŭ i haściej Biełarusi, piša Office Life.

Kamianieckaja vieža

«Mabilny» rejtynh skłali z dapamohaj technałohii abiaźličanych źviestak. U top-20 tych miescaŭ, jakija najbolš «pampavalisia», uvajšli architekturnyja ansambli, pomniki Druhoj suśvietnaj vajny i miescy pałomnictvaŭ.

Lidaram «mabilnaha» rejtynhu stała Kamianieckaja vieža pad Brestam. Mienavita kala hetaj słavutaści turysty hienieravali bolš za ŭsio trafiku, adpraŭlajučy fota i videa znakavaha miesca. U majskija vychadnyja vieža adznačyłasia trafikam u 138 Hb u dzień.

U top-5 taksama trapili:

• miemaryjalny kompleks «Bresckaja krepaść-hieroj» (133 Hb);
• miemaryjalny kompleks «Kurhan Słavy» (123 Hb);
• zamkavy kompleks «Mir» (104 Hb);
• historyka-kulturny kompleks «Linija Stalina» (100 Hb).

Dalej miescy z 6-ha pa 20-je raźmierkavalisia tak:

• Lidski zamak (100 Hb);
• Nacyjanalny historyka-kulturny muziej-zapaviednik «Niaśviž» (85 Hb);
• Safijski sabor u Połacku (69 Hb);
• Barysahlebskaja carkva ŭ Hrodnie (66 Hb);
• Pałacava-parkavy kompleks Maniuški ŭ Śmiłavičach (65 Hb);
• Trajecki kaścioł u Hierviatach (56 Hb);
• Śviata-Uśpienski Žyrovicki manastyr (50 Hb);
• Pałac Rumiancavych i Paskievičaŭ u Homieli (49 Hb);
• Miemaryjalny kompleks «Chatyń» (46 Hb);
• Kosaŭski pałacava-parkavy kompleks (45 Hb);
• Chram Archanhieła Michaiła ŭ Synkavičach (45 Hb);
• Pryłucki pałacava-parkavy kompleks Čapskich pad Minskam (42 Hb);
• Halšanski zamak (34 Hb);
• Navahradski zamak (31 Hb);
• Ružanski pałacavy kompleks rodu Sapiehaŭ (27 Hb).

Darečy, samym aktyŭnym dniom dla ŭnutranaha turyzmu pa trafiku stała 9 maja, kali karystalniki ŭ sumie zhienieravali amal 2,2 Tb internet-trafiku, naviedvajučy histaryčnyja miescy pa ŭsioj krainie. Jak udakładnili ŭ kampanii, heta ŭ 1,5 razy vyšej za siaredniadzionny pakazčyk.

Kamientary da artykuła