«Lepš užo kuplu paŭkiło kurynaha file — tańniej vyjdzie». Biełarusy šakavanyja cenami na čypsy

Paśla taho jak usie byli ździŭleny cenami na bulbu, biełarusaŭ čakaŭ novy siurpryz — pavyšeńnie koštaŭ na čypsy. Naprykład, vialikaja pačka Lays, jakaja jašče miesiac tamu kaštavała kala 5 rubloŭ, ciapier pradajecca pa 7, a miescami navat pa 9. Pringles naohuł dachodziać da 15 rubloŭ za pačak. Heta vyklikała šyroki rezanans u tyktoku: ludzi zdymajuć videa z cenami i dzielacca svaim abureńniem, piša BG.Media.

Fota ilustracyjnaje

Adzin mužčyna pakazaŭ u videa, što ŭ kramie «Hipa» pačka Pringles kaštuje 15,59 rubla, što ŭ pieraliku na kiłahram — amal 95 rubloŭ. Lays Stax — 9,95, a mienš viadomyja marki kštałtu Delicados — 6,1.

Kamientatary aburajucca: «15 rubloŭ za čypsy? Vy što, zvarjacieli?», «Lepš miasa kupić, čym čypsy jeści za takija hrošy», «Kali pierastaniem kuplać — mohuć i źnizić ceny».

Niekatoryja narakajuć i na ahulny rost cenaŭ: «Kala 8 rubloŭ za kiłahram bulby — heta žach».

@kirill_akylenko Davno takije cieny ? Možiet ja nie zamiečał ? #cieny #biełaruś #šok ♬ orihinalnyj zvuk - kirill_akylenko

Pry hetym ludzi zhadvajuć, što jašče niadaŭna vialiki pačak Lays kaštavaŭ 4—5 rubloŭ. Ciapier ža ceny ŭ roznych kramach varjirujucca — ad 7 da 9 i bolej.

Chtości dzielicca paradami, dzie možna znajści tańniejšyja čypsy, a chtości ŭvohule admaŭlajecca ad pakupki i zajaŭlaje pra pierachod na inšyja pradukty — naprykład, na miasa abo rybu.

Kamientary da artykuła