Ukrainskija bieśpiłotniki atakavali Maskvu, Novamaskoŭck i Tułu
Maskoŭski mer Siarhiej Sabianin zajaviŭ pra niekalki dziasiatkaŭ źbitych bieśpiłotnikaŭ.
Siarhiej Sabianin zajaviŭ, što byli spačatku źbityja 32 drony, paśla čatyry, paśla try.
Adbyłasia ataka na Tulskuju vobłaść: Tułu i Novamaskoŭsk. Novamaskoŭsk — druhi pa vieličyni horad Tulskaj vobłaści, dzie znachodzicca chimičny kambinat i jašče niekalki pradpryjemstvaŭ. Miascovyja žychary naličyli nie mienš za 19 vybuchaŭ.
Hubiernatar Tulskaj vobłaści Dźmitryj Milajeŭ paviedamlaje ŭ svaim telehram-kanale, što ŭ Tule ŭpali abłomki bieśpiłotnika.
Hubiernatar śćviardžaje, što paciarpiełych niama. «Dziažurnyja srodki PPA Minabarony Rasii adbivajuć užo dziasiatuju chvalu pavietranaj ataki. Adzin ź bieśpiłotnikaŭ urezaŭsia ŭ dach šmatkvaternaha doma ŭ Praletarskaj akruzie horada Tuły. Taksama ŭ vyniku padzieńnia abłomkaŭ BPŁA paškodžańni atrymali žyłyja i niežyłyja budynki jašče pa šerahu adrasoŭ u abłasnoj stalicy», — havorycca ŭ paviedamleńni hubiernatara.
Pavodle słoŭ Milajeva, dva čałavieki atrymali lohkija ranieńni.