Cimanoŭskaja paskardziłasia, što jaje były muž vyviez u Hruziju sabaku i tam pakinuŭ

Lohkaatletka Kryścina Cimanovskaja raskazała, što jaje były muž uziaŭ z saboj sabaku i advioz jaho ŭ Hruziju, a paśla tam pakinuŭ. Ciapier jana choča viarnuć svajho hadavanca i šukaje čałavieka, jaki moh by pieravieźci sabaku samalotam. Adpaviednaja abjava źjaviłasia 22 maja ŭ fejsbuk-supołcy «Biełarusy ŭ Varšavie».

Kryścina Cimanoŭskaja z sabakam. Fota: fejsbuk

Pa słovach Kryściny, muž uziaŭ sabaku bieź jaje dazvołu i amal nie kłapaciŭsia pra jaho ŭ Hruzii. Paśla jon pajechaŭ u Biełaruś, a sabaku prosta pakinuŭ tam. Z dapamohaj vałancioraŭ lohkaatletka ciapier rychtuje ŭsie dakumienty dla pieravozki, ale nie moža pajechać u Hruziju sama z-za spabornictvaŭ i trenirovak.

Sabaku płanujuć vyvieźci ŭ červieni, Kryścina hatovaja apłacić bilet tamu, chto dapamoža ź pieravozkaj. Sabaka lohki — kala 4 kh, tamu jaho možna brać u samalot.

Arsienij Zdanievič, muž Kryściny Cimanoŭskaja, jakaja ciapier vystupaje za zbornuju Polščy, spačatku žyŭ ź joj u Polščy, a paśla razvodu pajechaŭ u Biełaruś. Byłaja žonka abvinavačvała jaho ŭ supracoŭnictvie z KDB.

Kamientary da artykuła