BIEŁ Ł RUS

U Sankt-Pieciarburhu buduć sudzić dyrektarku kniharni za prodaž knihi biełaruskaha palitviaźnia

22.05.2025 / 22:33

Nashaniva.com

Dyrektarku sankt-pieciarburhskaj kniharni «Padpisnyja vydańni» Alenu Arłovu buduć sudzić za prodaž knihi biełaruskaha palitviaźnia Ihara Alinieviča «Jedu v Mahadan».

Pavodle paviedamleńnia pres-słužby sudoŭ Sankt-Pieciarburha, adzin čałaviek nabyŭ hetuju knihu jašče 27 śniežnia. A pakolki vydała jaje arhanizacyja ABCF, pryznanaja ŭ Rasiei niepažadanaj, prodaž knihi kvalifikavali jak udzieł u jaje dziejnaści i skłali na Arłovu administracyjny pratakoł.

Anarchist Ihar Alinievič za knihu, napisanuju ŭ turmie, u 2013 hodzie atrymaŭ premiju Franciška Alachnoviča — uznaharodu za tvory, napisanyja ŭ niavoli. U 2016 hodzie jaho adznačyli taksama Nacyjanalnaj premijaj imia Viktara Ivaškieviča za advahu ŭ abaronie pravoŭ čałavieka.

Iharu ciapier 41 hod. U 2020 hodzie jaho zatrymali, a paźniej jon byŭ asudžany na 20 hadoŭ pazbaŭleńnia voli pavodle niekalkich artykułaŭ — za niezakonnyja dziejańni sa zbrojaj, teraryzm i kantrabandu niebiaśpiečnych materyjałaŭ. Paśla prysudu jaho pieraviali ŭ žorstkija ŭmovy ŭtrymańnia ŭ turmie ŭ Žodzinie, dzie, pavodle redkaj infarmacyi, jon nieadnarazova traplaŭ u štrafny izalatar i navat u turemny špital.

Čytajcie taksama:

Ihar Alinievič u červieni trymaŭ haładoŭku ŭ ŠIZA

Palitviaźnia Alinieviča pieraviali z balnicy ŭ Kaladzičach u žodzinskuju turmu

Aŭdyjakniha anarchista Ihara Alinieviča «Jedu ŭ Mahadan» vyjšła na biełaruskaj movie 

«Prosta piekła na ziamli». Što viadoma pra turmu, dzie trymajuć Siarhieja Cichanoŭskaha i Ihara Alinieviča

Kamientary da artykuła