Danija pavysić piensijny ŭzrost da 70 hadoŭ
Parłamient Danii zaćvierdziŭ rašeńnie ab pastupovym pavyšeńni piensijnaha ŭzrostu da 70 hadoŭ. Zhodna z pryniatym u čaćvier zakonam, z 2040 hoda na piensiju ŭ 70 hadoŭ buduć vychodzić usie, chto naradziŭsia paśla 1 studzienia 1971 hoda, piša Bild.
Fota: Sergei Grits / AP
Heta častka daŭno dziejučaj u krainie sistemy, u jakoj uzrost vychadu na piensiju aŭtamatyčna karektujecca ŭ adpaviednaści z rostam praciahłaści žyćcia.
U ciapierašni čas datčanie vychodziać na piensiju va ŭzroście 67 hadoŭ, da 2030 hoda hety paroh vyraście da 68 hadoŭ, da 2035 — da 69. Z 2006 hoda ŭ Danii kožnyja piać hadoŭ pierahladajucca danyja pra praciahłaść žyćcia, i na ich asnovie karektujecca piensijny ŭzrost. Pry hetym premjer-ministr krainy Miete Frederyksien raniej zajaviła, što dalejšaje aŭtamatyčnaje pavyšeńnie ŭzrostu vyšej za 70 hadoŭ nieabhruntavanaje.