Kanstancin Mieładze abviaściŭ pra zakryćcio prajekta «VIA HRA»
Pradziusar Kanstancin Mieładze zajaviŭ pra aficyjnaje zakryćcio papularnaha žanočaha hurta «VIA HRA», jaki ŭ 2025 hodzie adznačaje 25-hodździe.
Mieładze pradstaviŭ apošniuju pieśniu kalektyvu, jakaja atrymała nazvu Galileo. Jaje vykanali ŭdzielnicy apošniaha składu — Uljana Sinieckaja i Safija Tarasava.
«Hałoŭnaje i lepšaje, što było i zastaniecca z usioj hetaj historyi, — heta pieśni, napoŭnienyja kachańniem, vieraj i nadziejaj. Spadziajusia, ich buduć słuchać jašče šmat hadoŭ. Žadaju ŭsim miru i dabrabytu», — adznačyŭ Mieładze.
Hurt «VIA HRA» byŭ stvorany ŭ 2000 hodzie ŭ Kijevie i staŭ adnym z samych paśpiachovych ruskamoŭnych prajektaŭ.
U roznyja hady jaho ŭdzielnicami byli Nadzieja Hranoŭskaja, Viera Brežnieva, Hanna Siedakova, Śviatłana Łabada, Albina Džanabajeva dy inšyja.
Apošni sinhł hurta — «Maniekien» — vyjšaŭ u 2021 hodzie. Z 2022 hoda kalektyŭ nie vypuskaŭ novych piesień.