Pamior Alaksiej Anufryjeŭ

U sacsietkach paviedamili pra śmierć udzielnika kamandy BDU Kłuba viasiołych i znachodlivych u jaje zornym składzie 1998-2001 hadoŭ Alaksieja Anufryjeva. Jamu byŭ 51 hod.

Alaksiej Anufryjeŭ

Druhi skład kamandy BDU, členam jakoha byŭ Alaksiej Anufryjeŭ, dvojčy stanaviŭsia čempijonam Vyšejšaj lihi KVZ — u 1999 i 2001 hadach. 

U składzie toj kamandy Anufryjeŭ vyłučaŭsia vysokim rostam, vystupaŭ u zapaminalnych rolach ministra abarony abstraktnaj dziaržavy, leaparda — pažyralnika małpaŭ, kardynała, Cheminhueja ŭ doh-šou i inšych.

Paśla zakančeńnia vystupleńniaŭ u KVZ žyŭ u Sankt-Pieciarburhu, niejki čas kuryravaŭ niekalki prajektaŭ KVZ, vystupaŭ u jakaści vykładčyka dla maładych i znachodlivych. 

Kamientary da artykuła