Polšča buduje novuju elektronnuju ścianu na miažy ź Biełaruśsiu
Pa słovach polskaha ministra ŭnutranych spraŭ Tomaša Siemoniaka, u Lublinskim vajavodstvie ŭzdoŭž Buha idzie aktyŭnaje budaŭnictva novaj elektronnaj aharodžy. Płanujecca, što da 20 lipienia prajekt budzie zavieršany.
Polska-biełaruskaja miaža. Zdymak ilustracyjny
Hetaja aharodža budzie składacca prykładna z 1800 mačtaŭ z 4500 kamierami videanazirańnia, u tym liku načnoha i ciepłavizijnaha. Taksama buduć ustalavanyja śpiecyjalnyja datčyki, jakija reahujuć na ruch, i prakładziena kala 200 kiłamietraŭ kabielaŭ dla elektrasiłkavańnia i pieradačy danych.
Tomaš Siemoniak adznačyŭ, što na ŭmacavańnie infrastruktury na miažy ź Biełaruśsiu ŭžo vydatkavali kala 2,6 miljarda złotych (prykładna 700 miljonaŭ dalaraŭ). Akramia hetaha, Polšča płanuje pavialičyć kolkaść pamiežnikaŭ na hetym učastku jašče na 1,5 tysiačy čałaviek.
Raniej na polska-biełaruskaj miažy pabudavali stalovy płot vyšynioj 5 mietraŭ i daŭžynioj 186 km, pryznačany dla baraćby ź nielehalnaj mihracyjaj. Jon taksama abstalavany elektronnaj sistemaj nazirańnia.
Čytajcie taksama:
Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany
Polskija pamiežniki zajavili, što ź biełaruskaha boku mihrantam dapamahali ludzi ŭ formie
Polski pamiežnik paciarpieŭ ad kamianioŭ mihrantaŭ na miažy ź Biełaruśsiu