Na vakzale Hamburha 12 čałaviek paciarpieli paśla napadu čałavieka z nažom
Prynamsi 12 čałaviek atrymali ranieńni ŭ vyniku napadu nieviadomaha z nažom na centralnym vakzale Hamburha. Pra heta paviedamlaje vydańnie Bild.
Fota: Nius
«Pavodle papiarednich źviestak, na hałoŭnym vakzale čałaviek paraniŭ nažom niekalkich čałaviek. Padazravany byŭ zatrymany apieratyŭnikami», — havorycca ŭ zajavie palicyi, apublikavanaj u sacsietcy X.
Bild sa spasyłkaj na palicyju piša, što troje paciarpiełych znachodziacca ŭ krytyčnym stanie, jašče troje atrymali ciažkija ranieńni, šeść čałaviek — lohkija.
Pavodle źviestak vydańnia, na miescy zdareńnia palicyja aryštavała niejkuju žančynu, pry hetym nie ŭdakładniajecca, jakoje dačynieńnie jana maje da napadu.
Pavodle infarmacyi vydańnia Nius, nadzvyčajnaje zdareńnie adbyłosia na płatformie 13-ha hałoŭnaha čyhunačnaha vakzała niezadoŭha da adpraŭleńnia ciahnika ŭ Bremien. Jak paviedamili ŭ siłavych słužbach Hamburha, ciapier tam prachodzić «bujnaja palicejskaja apieracyja».
Miarkujučy pa fatahrafijach ź miesca padziej, niekatoryja paciarpiełyja atrymlivajuć miedycynskuju dapamohu ŭ ciahnikach. Pryčyny napadu dahetul nie ŭstanoŭlenyja, u palicyi kažuć pra terakt.
Čytajcie taksama:
U Pakistanie ździejśnili terakt pobač sa školnym aŭtobusam
Vosiem čałaviek aryštavali ŭ Vialikabrytanii za padrychtoŭku teraktaŭ
U Danii aŭtamabil urezaŭsia ŭ natoŭp ludziej — paciarpieli minimum 11 čałaviek