Łuka Modryč moža pierajści ŭ «Inter Majami» Lijanela Miesi
39-hadovy charvat pakinie «Reał» paśla kłubnaha čempijanatu śvietu pa futbole ŭletku 2025 hoda ŭ suviazi sa skančeńniem kantraktu.
Siońnia Łuka zhulaje za «Reał» apošni matč. Fota: Angel Martinez / Getty Images
Jak paviedamlaje Mundo Deportivo, charvat hetym letam piarojdzie ŭ «inter Majami» na pravach svabodnaha ahienta.
Pa słovach krynicy, uładalnik kamandy Devid Bekchem ź minułaha hoda sprabuje zajmieć Modryča. Akramia taho, sam Lijanel Miesi nibyta paprasiŭ kłub padpisać Łuku ŭ «Inter Majami».
Pahadnieńnie budzie raźličana na adzin hod — da lipienia 2026 hoda da čempijanatu śvietu pa futbole. Zarobak paŭabaroncy składzie 2,5 miljona dalaraŭ.
Modryč hulaŭ za «Reał» z 2012 hoda, kudy pierajšoŭ z «Totenchiema». U składzie madrydskaha kłuba vyjhraŭ šeść Lihaŭ čempijonaŭ i čatyry čempijanaty Ispanii, zavajavaŭ «Załaty miač».
Łuka, jakomu ŭ vieraśni spoŭnicca 40 hadoŭ, chacieŭ pravieści jašče siezon u «Reale», heta chacieŭ i novy trenier Chabi Ałonsa, ale, vidać, kiraŭnictva kłuba vyrašyła nie praciahvać kantrakt.