Zialenski znoŭ zaklikaŭ uzmacnić cisk na Rasiju
Prezident Ukrainy znoŭ zaklikaŭ ZŠA i inšych partnioraŭ Ukrainy ŭzmacnić sankcyjny cisk na Rasiju, kab prymusić jaje pajści na spynieńnie ahniu.
Zajava Zialenskaha była zroblenaja ŭ suviazi z čarhovym masiravanym kambinavanym rasijskim udaram pa ŭkrainskaj terytoryi ŭ noč na 24 maja z vykarystańniem balistyčnych rakiet i ŭdarnych BPŁA.
«Z kožnym takim abstrełam śviet pierakonvajecca, što pryčyna zaciahvańnia vajny — u Maskvie. Ukraina šmatkroć prapanoŭvała spynieńnie ahniu — jak poŭnaje, tak i ŭ pavietry. Usio heta było praihnaravana. Vidavočna, što nieabchodna akazvać značna bolš surjozny cisk na Rasiju, kab źjaviŭsia vynik i pačałasia sapraŭdnaja dypłamatyja. My čakajem sankcyjnych krokaŭ ad ZŠA, Jeŭropy i ŭsich našych partnioraŭ. Tolki dadatkovyja sankcyi suprać klučavych siektaraŭ rasijskaj ekanomiki prymusiać Maskvu spynić ahoń»,— napisaŭ Zialenski ŭ svaim telehram-kanale.