Pałonnym rasijanam u Biełarusi znoŭ padsunuli razharnuć impierski ściah
Rasija i Ukraina zaviaršyli najbujniejšy abmien pałonnymi: siońnia viarnulisia pa 303 vajskoŭcy z kožnaha boku. Ahułam — pa 1000 rasijskich i ŭkrainskich vajskoŭcaŭ. U Biełarusi, dzie adbyŭsia abmien, rasijanie dali znak prymajučamu boku.
25 maja 2025 hoda adbyłosia zaviaršeńnie adnaho z samych masavych abmienaŭ pałonnymi pamiž Rasijaj i Ukrainaj pa formule «1000 na 1000». U apošni dzień pieradačy na radzimu viarnulisia pa 303 pałonnych.
Abmien adbyŭsia ŭ Biełarusi. «U ciapierašni čas rasijskija vajskoŭcy znachodziacca na terytoryi Respubliki Biełaruś, dzie im akazvajecca nieabchodnaja psichałahičnaja i miedycynskaja dapamoha», — paviedamili ŭ Ministerstvie abarony RF.
Jak vyhladaje, prosta na terytoryi Biełarusi, na fonie homielskich aŭtobusaŭ, rasijskija vajskoŭcy razharnuli ściahi RF, SSSR, a taksama impierski ściah (čorna-žoŭta-bieły), jaki byŭ dziaržaŭnym u Rasijskaj impieryi ŭ 19 stahodździ, a ciapier vykarystoŭvajecca roznymi hrupami ŭ Rasii, jakija vystupajuć za «adnaŭleńnie impierskaj spadčyny».