U Vilejcy vypuskniki pryjechali padziakavać byłoj kłasnaj, jakaja ciapier pracuje na aŭtazapraŭcy — kranalnaje videa
Videa z vypusknikami, što pryjechali na aŭtazapraŭku padziakavać svajoj byłoj kłasnaj kiraŭnicy, kranuła karystalnikaŭ tyktoku. Ale razam z tym vyklikała pytańni: čamu nastaŭnica, jakuju dzieci pamiatajuć i lubiać, vymušanaja pracavać na AZS?
Na videa žančyna pa imieni Hanna Dźmitryjeŭna, jakaja pracuje na zapraŭcy, raspłakałasia, ubačyŭšy svaich vučniaŭ z kvietkami i padarunkami. U kamientaryjach ludzi vykazvajuć zachapleńnie dziećmi i abureńnie situacyjaj u sistemie adukacyi.
«Da drennaha nastaŭnika dzieci nie pryjšli b, małajcy», — piša Anastasija.
«Heta havoryć pra toje, jakaja nizkaja zarpłata ŭ nastaŭnika, i jakija vysokija maralnyja kaštoŭnaści ŭ dziaciej», — dadaje Natalla.
«Soram i hańba čynoŭnikam ad adukacyi, jakija vymusili nastaŭnicu, da jakoj ciahnucca dzieci, syści z adukacyi!» — piša Alena.
«Ciapier šmat maładych i kłasnych nastaŭnikaŭ pajšli z adukacyi — ci ich prymusili syści. Bo ty pavinien žyć jak nastaŭnica, jakoj 60 hadoŭ», — dadaje kamientatar Siarhiej.