Polšča ŭ adkaz na «Zachad-2025» rychtuje svaje dyvizijnyja vučeńni

Polšča źbirajecca pravieści maštabnyja vajskovyja vučeńni na ŭzroŭni dyvizii ŭ adkaz na biełaruska-rasijskija vučeńni «Zachad-2025». Pra heta paviedamiŭ ministr abarony Polščy Uładzisłaŭ Kosiniak-Kamyš pierad adlotam u ZŠA, dzie jon maje sustreču z kiraŭnikom Pientahona Pitam Chehsetam.

Uładzisłaŭ Kosiniak-Kamyš. Skrynšot ź videa

Polski ministr adznačyŭ, što ŭžo daručyŭ padrychtavać pieršyja za šmat hadoŭ bujnyja vučeńni, u jakich budzie ŭdzielničać 18-ja miechanizavanaja dyvizija. Padrabiaznaści ministr nie raskryŭ, ale padkreśliŭ, što Polšča kaardynuje dziejańni z sajuźnikami i heta buduć najbujniejšyja vučeńni za apošni čas.

Jašče naprykancy krasavika pra mahčymaść takich vučeńniaŭ kazaŭ namieśnik ministra abarony Cezaryj Tomčyk. Tady jon taksama nie vyklučaŭ udziełu partnioraŭ z NATA.

Vučeńni «Zachad-2025» płanujecca pravieści ŭ Biełarusi ŭ vieraśni. Zusim niadaŭna ŭ Minsku Alaksandr Łukašenka sustrakaŭsia ź ministram abarony Rasii Andrejem Biełavusavym i paćvierdziŭ hatoŭnaść Biełarusi da ich praviadzieńnia.

Kamientary da artykuła