Branisłava Taraškieviča katavali i zmusili dać pakazańni na 249 čałaviek. Znajšli adpaviedny dakumient
U Archivie aktaŭ novych u Varšavie znojdziena kopija dakumienta z archiva KDB, pavodle jakoha Branisłava Taraškieviča paśla śmiarotnaha prysudu 5 studzienia 1938 hoda amal 10 miesiacaŭ utrymlivali ŭ asobnym režymnym korpusie NKVD, dzie pad katavańniami zmusili dać pakazańni na 249 čałaviek, paviedamlaje Biełaruski instytut publičnaj historyi.
Branisłaŭ Taraškievič
Korpus u haradskoj turmie arhanizavaŭ kiraŭnik adnaho z adździełaŭ NKVD BSSR Alaksandr Hiepštejn z sankcyi narkama Barysa Biermana i dazvołu Maskvy. Tut utrymlivalisia 270 čałaviek, ad jakich «šlacham źbićcia i katavańniaŭ» atrymlivali «dadatkovyja śviedčańni» na inšych asobaŭ. Tolki 38 viaźniaŭ korpusu, u tym liku Taraškievič, dali pakazańni na 3489 čałaviek.
U korpusie stvaralisia asabliva ciažkija ŭmovy dla tych, chto «nie pryznavaŭsia». Tyja, chto «pryznavaŭsia» i davaŭ «pakazańni», stavilisia ŭ pryvilejavanyja ŭmovy i atrymlivali ŭzmocnienuju pajku. Nahladčykam korpusa byŭ niechta Alekaŭ.
29 listapada 1938 h. źniavolenych korpusa niezakonna rasstralali, akty ab vykanańni prysudaŭ padrabili i aformili zadnim čysłom.
Čytajcie taksama:
Stała viadoma imia adnaho z kataŭ paeta Michasia Čarota
U Vilni paśla ramontu viarnuli na dom šyldu Branisłava Taraškieviča FOTA
«Zabić upałminzaha». Źmicier Bartosik pra svaju novuju knihu