Łatuška: Členaŭ NAU i Kaardynacyjnaj rady ŭžo dapytali pa spravie Mielnikavaj
Šerah pradstaŭnikoŭ Kaardynacyjnaj rady i Narodnaha antykryzisnaha ŭpraŭleńnia ŭžo byli dapytanyja polskimi pravaachoŭnymi orhanami ŭ jakaści śviedak u miežach kryminalnaj spravy ab źniknieńni byłoj śpikierki KR Anžaliki Mielnikavaj, paviedamiŭ u svaim telehram-kanale kiraŭnik NAU Pavieł Łatuška.
Pavieł Łatuška z Anžalikaj Mielnikavaj
Łatuška adznačyŭ, što rasśledavańnie ŭ Polščy viadziecca pavodle artykuła ab niezakonnym pazbaŭleńni svabody, i znoŭ zaklikaŭ dačakacca aficyjnych vynikaŭ:
«Tolki na padstavie hetych danych my zmožam zrazumieć matyŭ, što adbyłosia, čamu heta było zroblena Anžalikaj abo što było zroblena suprać jaje».
Na jahonuju dumku, rasśledavańnie polskaha vydańnia Polityka faktyčna abviarhaje viersiju pra machlarstva z boku Mielnikavaj:
«Na hety momant najbolš vierahodnaj vyhladaje viersija ab tym, što heta była apieracyja śpiecsłužbaŭ režymu Łukašenki, jakija pastajanna stvarajuć pahrozy našym demakratyčnym instytutam i asabliva kamandzie NAU», — padkreśliŭ Łatuška.
Čytajcie taksama:
Azaraŭ: Kachanak Mielnikavaj braŭ udzieł u pravakacyi z Azaronkam i byŭ uznaharodžany
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Łatuška admoviŭsia iści ŭ adstaŭku z-za źniknieńnia Mielnikavaj. Hetaha zapatrabavaŭ Piatruchin