Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia
Dziakujučy rasśledavańniu vydańnia The Insider stała viadoma, što Anžaliku Mielnikavu ŭ jaje pajezdkach, u tym liku na Kubu, nieadnarazova supravadžaŭ mužčyna spartyŭnaha ciełaskładu. Pa dadzienych pra avijapieraloty ŭdałosia vyznačyć jaho asobu — heta supracoŭnik upraŭleńnia vajskovaj kontrraźviedki KDB Biełarusi. «Kibierpartyzany» publikujuć dadatkovyja źviestki pra jaho i jahonuju misiju.
Mahčyma, peŭny čas Alaksiej Łabiejeŭ pradstaŭlaŭsia Anžalicy i jaje rodnym pad vydumanym imieniem, dapuskajuć «Kibierpartyzany». Ale kali b jana źviarnułasia da ich, to jany, maŭlaŭ, zmahli b chutka paćvierdzić jaho prynaležnaść da śpiecsłužbaŭ, bo majuć adpaviednyja instrumienty dla vyličeńnia takich ahientaŭ.
Darečy, na tym ža rejsie na Kubu razam z Łabiejevym i maci Mielnikavaj Aksanaj Saŭčanka lacieŭ i Vital Saŭko, źviazany z FSB Rasii. Praŭda, pakul niaviadoma, mieŭ jon suviaź z pajezdkaj Mielnikavaj ci lacieŭ pa asobnych spravach.
Pavodle źviestak «Kibierpartyzanaŭ», Alaksiej Vitaljevič Łabiejeŭ naradziŭsia ŭ 1993 hodzie ŭ Słonimie. Jahony baćka byŭ vajskoŭcam, ale pad kaniec žyćcia zaniaŭsia biznesam. Maci pracuje pradaŭcom.
Alaksiej skončyŭ BDU, a ŭ 2015 hodzie ažaniŭsia z vypusknicaj taho ž univiersiteta — Marynaj (dziavočaje proźvišča Michnaviec). U 2019 hodzie ŭ ich naradziŭsia syn Miron.
Siamja žyvie ŭ Hrodnie. Žonka Łabiejeva słužyć u vajskovaj častcy №05733 i źviazanaja z arhanizacyjaj RMES (Rasijskaja madel efiektyŭnaha spakušeńnia). Na jaje staroncy paznačana, što jana vučyć mužčyn lohka znajomicca z žančynami i budavać adnosiny.
Uličvajučy suviazi Łabiejeva i jahonaj žonki, jość padstavy mierkavać, što jana taksama moža być ahientkaj režymu. U vyniku, jak minimum dvoje ahientaŭ ciapier stracili mahčymaść vieści raźviedvalnuju dziejnaść.
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi
Mielnikava krała hramadskija hrošy pa $2500, pieravodziačy na ŭłasny rachunak
Słova «Unavatuna» značyć «raj». Dzie na Šry-Łancy adpačyvała Mielnikava
Kamientary
vajskovaj? heta što - vajennaja apieracyja?