Zdymki sa spadarožnikaŭ śviedčać pra rasijskija prablemy z papaŭnieńniem zapasaŭ vajskovaj techniki

Spadarožnikavyja zdymki zaśviedčyli, što na składzie Omskaha aŭtabraniatankavaha instytuta praktyčna skončylisia zapasy vajskovaj techniki, zaŭvažyŭ ukrainski resurs Militarnyi.

U 2021 hodzie na hetaj placoŭcy zachoŭvałasia kala 120 tankaŭ, 89 BTRaŭ, 41 BMP i 54 harmaty «Rapira», ale na zdymkach za krasavik 2025 hoda bačna, što ŭsia hetaja technika ŭžo vyvieziena. Zastałosia tolki niekalki dziasiatkaŭ hruzavikoŭ i inžyniernych mašyn.

Hety instytut — adzinaja vyšejšaja navučalnaja ŭstanova ŭ Rasii, jakaja rychtuje śpiecyjalistaŭ u halinie ramontu i absłuhoŭvańnia braniatechniki. Toje, što techniku pačali zabirać navat sa składoŭ navučalnych ustanoŭ, śviedčyć pra surjoznyja prablemy z zapasami ŭ rasijskaj armii.

Technika, što zachoŭvałasia na bazie Omskaha avtabraniatankavaha instytuta. Fota: @hizzo_jay

Analityki zafiksavali, što tempy ramontu i viartańnia tankaŭ u stroj z 2022 pa 2025 hod značna źnizilisia. Kali raniej štohod raskansiervoŭvali tysiačy tankaŭ, to za apošni hod tolki 342. Usio heta śviedčyć pra toje, što rasijanam ciažka znachodzić dla ramontu techniku ŭ dobrym stanie, i zavody pracujuć pavolniej.

Da pačatku 2025 hoda na asnoŭnych bazach zastavałasia tolki kala 3,5 tysiačy tankaŭ, pry hetym kolkaść tankaŭ u ramoncie na zavodach pačała źmianšacca.

Vypusk novych tankaŭ taksama vielmi nizki — naprykład, T-90M vyrabili tolki 164 adzinki za try hady. Heta niedastatkova, kab pakryć straty na vajnie.

Kamientary da artykuła