U Biełaruś prybyła partyja rasijskich vajskovych samalotaŭ
Na adzin z avijacyjnych aeradromaŭ Biełarusi prybyła novaja partyja źniščalnikaŭ Su-30SM2. Hetaja pastaŭka — častka płana pa raźvićci i madernizacyi biełaruskaha vojska, jaki realizujecca sumiesna z Rasijaj, paviedamiła Ministerstva abarony.
Fota: t.me/modmilby
Jak paviedamiŭ kamandujučy Vajskova-pavietranymi siłami i vojskami supraćpavietranaj abarony hienierał-major Andrej Łukjanovič, ciapier u biełaruskaj armii pastupova abnaŭlajecca i madernizujecca ŭzbrajeńnie i vajskovaja technika. Novyja samaloty jon charaktaryzuje jak sučasnyja, šmatfunkcyjanalnyja i nadzvyčaj manieŭranyja źniščalniki. U ich palepšanaja radyjołakacyja, abarona ad pieraškod i sistemy elektronnaj baraćby.
Fota: t.me/modmilby
Biełaruskija piłoty, pavodle słoŭ Łukjanoviča, užo prajšli navučańnie ŭ Rasii na hetych samalotach. U najbližejšy čas adbudziecca pryjomka techniki i jaje vyvučeńnie, a ŭžo na nastupnym tydni samaloty pačnuć vykonvać bajavoje dziažurstva pa SPA i buduć vykarystoŭvacca ŭ vučebnych palotach.
Akramia taho, čakajecca, što Biełaruś u hetym hodzie atrymaje jašče adnu partyju Su-30SM2, a ŭžo na hetym tydni čakajecca pastaŭka viertalotaŭ Mi-35M.
Čytajcie taksama:
SPA Biełarusi z pačatku hoda źniščyła 18 bieśpiłotnikaŭ
Rasija pačała supravadžać svaje tankiery ŭ Bałtyjskim mory vajskovymi karablami i samalotami
Dva rasijskija Su-30 źbityja rakietami ź bieśpiłotnych kateraŭ — Budanaŭ