Na Bajkale padletak zabiŭ nažom čatyroch tavaryšaŭ na dni naradžeńnia i padpaliŭ dom
Hrupa maładych ludziej śviatkavała dzień narodzinaŭ adnaho ź ich u domie ŭ sadovym tavarystvie «Horny Bajkał» u horadzie Bajkalsku Irkuckaj vobłaści Rasii.
U niejki momant adzin ź ich napaŭ na prysutnych z nažom. U vyniku hetaha čatyry padletki pamierli na miescy, i jašče čaćviora byli dastaŭleny z roznymi traŭmami ŭ miedycynskuju ŭstanovu, — paviedamili ŭ Śledčym kamitecie.
Paśla hetaha mierkavany padazravany padpaliŭ dom, i ŭ vyniku ŭźnikłaha pažaru zahinuŭ i sam, piša Baza.
Zaraz na miescy pracujuć śledčyja. Zaviedzienyja kryminalnyja spravy ab zabojstvie dvuch i bolš asob i zamachu na zabojstva dvuch i bolš asob.