Biełaruska ŭ Hiermanii pradała ŭ Rasiju amal 200 aŭtamabilaŭ
U Hiermanii suprać aŭtadyleraŭ, jakija pastaŭlajuć darahija aŭtamabili ŭ Rasiju ŭ abychod sankcyj, zaviedziena ŭžo bolš za 40 kryminalnych spraŭ. Hiermanskaja justycyja paluje na kantrabandystaŭ, piša Deutsche Welle.
Tak, 12 sakavika, u Bierlinie i Bavaryi prajšła śpiecapieracyja suprać 46-hadovaj uradženki Biełarusi, jakaja pradała ŭ RF 192 aŭtamabili na ahulnuju sumu 21 młn jeŭra.
U červieni 2024 hoda za anałahičnaje złačynstva byŭ zatrymany aŭtadyler z horada Bochum, u kastryčniku — z Kionihśvintera pad Bonam.