Hihin anansavaŭ kardynalnuju źmienu vyhladu budynka Nacyjanalnaj biblijateki
Nacyjanalnaja biblijateka Biełarusi, mahčyma, u najbližejšyja hady kardynalna źmienić svoj źniešni vyhlad. Jak paviedamiŭ hienieralny dyrektar ustanovy Vadzim Hihin na BiełTA, ciapier idzie praca nad madernizacyjaj fasada budynka.
Fota ilustracyjnaje
Pavodle słoŭ Vadzima Hihina, pieršapačatkovy prajekt biblijateki praduhledžvaŭ ustalavańnie lustranych šklanych pavierchniaŭ, adnak hetaja ideja tak i nie była całkam realizavanaja. Ciapier idzie supracoŭnictva z raspracoŭščykami, kab zaviaršyć zadumanaje.
Akramia taho, płanujecca abnaŭleńnie infarmacyjnaha fasada, jaki siońnia technałahična sastareŭ. Novaje rašeńnie pavinna zrabić fasad sučasnym ekranam z mahčymaściu pakazu jakasnych vyjaŭ, u tym liku z vykarystańniem enierhaefiektyŭnych i navat enierhahienierujučych technałohij.
Prajekt znachodzicca na navukova-raspracoŭčym etapie, i, pavodle słoŭ Hihina, na jaho realizacyju spatrebicca nie mienš za dva hady.
Jon taksama nahadaŭ, što ideja pabudovy novaha budynka biblijateki ŭźnikła jašče ŭ kancy 1980-ch hadoŭ, a jahonaja realizacyja ŭ pačatku 2000-ch stała «šlacham u nieviadomaje» — śmiełym i ryzykoŭnym, ale paśpiachovym krokam.
Čytajcie taksama:
Hihin atakuje Ejdelman za lekcyju pra BNR: Pustoje miesca, poŭny čajnik
Hihin raskazaŭ, što źmienicca praktyka pakarańnia za raspaŭsiud «ekstremisckich» materyjałaŭ